Ka VPP ka kwah ban pyntrei kam ia ka bah thung kam katkum ka jingbun paidbah: Ardent

Shillong, Jymmang 17: Ka Voice of the People’s Party (VPP) mynta ka sngi ka la dawa na ka sorkar jylla ban pyntreikam ia ka bhah thungkam lane ka Reservation Policy katkum ka jingdon bun paid hapoh ka jylla.

U Ardent Miller Basawiawmoit haba kren ha kane prokram iakhih da ka ba pynlong ka jingiashong kyllain mungor ha parking lot ba ha jan ka ophis Additional Secretariat ban dawa ba ka sorkar jylla ka dei ban khot da ka dorbar kypang ban iathir iatai bniah bha halor ka bhah thungkam lane kata ka Reservation Policy.

Ha kane ka sngi, u bah Ardent Miller Basaiawmoit u la ong ba na ka liang ka VPP kan ieng ha ka nongrim ba kam pyrshah ia ka Roster System hynrei ka iang ha ka nongrim ka jingnoh shilliang ka Reservation Policy ka ba la pyntreikam mynta la 51 snem tam.

U bah Ardent Miller Basaiawmoit u la ong ba ka VPP ka dawa ba dei ban pynsangeh shuwa ïa baroh ki jingpynrung kam katba ym pat lah ban pynbeit ïa ka Reservation Policy hapoh ka jylla.

U bah Ardent Miller Basaiawmoit u la pynkynmaw ba naduh 1972, ka jingbun paid ha Meghalaya ka paw shai kdar ka jingbun pait ki Khasi bad ki tam beit da 15% haduh 17% hynrei kaba sngewlyngoh ka long, ba kane ka Reservation Policy ka pynduhnong pynban ia ki Khasi kiba bun paid.

Ka bhah thungkam lane ka Reservation Policy ka dei ban long beit katkum ka jingbun paid jong ki trai jylla, namar shu buh lada don 50% katba kiwei pat ki jaitbynriew kin don 30% kam shongnia ban phiah 40-40” ia ka bhah thungkam ong u bah Ardent Miller Basaiawmoit .

U bah Ardent u la kam ba ka jingbun briew ki Khasi-Jaintia ka long 48% kat ba u Garo 32% bad tang lyngba ka jingdon briew, la sngewthuh lypa ïa ka jingnoh shilliang ka bhah thungkam lane ka Reservation Policy bad dei namar kane la donkam ban pynbeit ïa kane kat kum ka jingdonpaid.

Dei ban pynshong nongrim ia ka Reservation Policy katkum ka jingbun paid (Demography) bad dei namar kane ka donkam ban iatai ia kane ka mat ha ka ing dorbar thawain daka ba khot ia ka dorbar kypang, la ong u bah Ardent.

U bah Ardent Miller Basaiawmoit ula pynbna ruh ba na ka liang ka VPP ka khot ia wer ia ki paidbah baroh ban iawan ha ka 19 tarik mynta u bnai ha jaka ieng kali ha Additional Secretariat ban wan ap ia ka khubor ka ban mih hadien ka jingialang jong baroh ki sengsain pyrthei (All Party Meeting) namar ha kane ka sngi, ka Party kan sa pynbna kumno ban iaid shakhmat haba iadei bad ka jingdawa pynbeit iaka Reservation Policy.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet