Shillong, Kyllalyngkot 26: U myntri rangbah ka jylla u Dr Mukul Sangma, mynta ka sngi u la ong ba ia kaei kaba mih ha ki lad pathai khubor, ka jingkynnoh pyrnshah ia u Lat jong ka jylla ka sorkar jylla kala pyntip sha ka Government of India.
U myntri rangbah ka jylla u la ong ba kaei kaba ka sorkar ka lah ban leh ka long ban pyntip sha ka tand kam poh iing jong ka sorkar pdeng palat na kane ym kwah ban kren ei ei, ia kane u la ong ha ka jingiakynduh ia ki nongthoh khubor ha iing sah jong u mynta ka sngi.
Haba ia dei bad ka jingthmu jong ka sorkar pdeng ban wanrah ia ka Citizenship Bill, u myntri rangbah u la ong ba ki paidbah jong ka dong shatei lam mih ngi kin nym lah ban pdiang ia kane namar ki sgnewthuh ia ka ei kaban jia bad la iohi ia ka jingpyrshah jong ki paidbah ha ka rukom jngdawa kum ia ka ILP bad kiwei kiwei ki lad ki lynti ban khang ia ka jingwan jong ki briew kiba na bar sha kane ka thain.
Ka sorkar pdeng ka dei ban sngewthuh ia kane bynta, u la ong peit jia aiu hapoh ka jylla Assam, Nagaland bad Manipur, ki briew jong kane ka thain kim kwah ba kin dang wan shuh ia kiwei ki jaidbyriew sha kane ka dong bad ka thain, ka sorkar pdeng ka dei ban sngewthuh shai ia kane ka bynta ia ka jingsngew jong ki briew kane ka dong.
