Shillong, Naiwieng 18: U nongaiktien ka party Congress u Zenith M Sangma u la kynnoh ba kala jyllei ka jyrsih ha ka tnad pynmih bording jong ka sorkar Meghalaya bad kum ka party Congress ka dawa ba dei ban phah tohkit ha ka Central Bureau Investigation (CBI).
Haba kren ha ki lat pathai khubor mynta ka sngi ha Congress Bhavan Shillong, u la kynnoh ba ka la don ka jingle bakla na ka liang jong ka sorkar ha kaba khot tender ha kaba ia dei bad ka kam ‘Smart Metter” kaba la beit pisa da ka Asian Development Bank (ADB) kaba la kot sha ka T.200/- klur tyngka bad kane ka jingkhot ka long 18% palat ia ka dor kaba la buh katba mut kala tam da T. 36 klur tyngka.
U tei u nongai ktien ka party Congress u la kynnoh shuh shuh ba kane ka sorkar kaba mynta kala shna ia ki kyndon ha kata ka rukom ba kiwei kin nym lah ban thep tender bad tang kawei ka kompeni kaba lah ban thep bad ban pynthikna ba ka dei ban ioh ia kane ka kam kontrak.
Haba ia dei bad ka jingmap da 100% ia ka sut ba ki kompeni ki siew slem ia ka bai light na ka liang jong ka party congress ka don ka jingsuba kaba jur ba kane ruh ka lah ban dei kawei na ki jyrsih lada ka dei ka jingmap tang ia ki paidbah ka congress kan nym don ei ei ban ong la ong ba da kane ka polisi kaba kane ka sorkar ka shim mynta kan don ka jingduh kumba T.700/- klur ia ka MeECL.
La ong ba ka dor jong ka bailight ia ki karkhana ka long T.6.20 tyngka shi unit bad ki karkhana ki leit ban ujor sha Regulatory Commission bad ha dien ka jingiakren la pynhiar sha ka T.4.90 /- tyngka kane ka jingle ka sorkar kan ktah ia ki paidbah ha kine ki sngi ban sa wan.
U Zenith M Sangma pynkynmaw ia kaei kaba u la kren ruh ia kiwei kiwei ki skhim hapoh ka iing dorbar ha kane ka dorbar synria kaba dang shu dep shen, la ong ba kum ka party kam leh ban shu peit, u la ong ba ka ain ka don ia ka kti kaba jrong bad kine ki briew kiba don kti kin nym lah ban lait na ka, dei halor kane ba ka party Congress ka dawa ba dei ban phah tohkit ha ka CBI.
