Shillong, Nailar 14: Ki pulit jong ka East Garo Hills District kila leit ban tih ha kawei ka jaka ha dien ba kila ioh jigntip ba don ka jingbuh rieh ia ki tiar siat hapoh khyndew bad na kane ka jingleit tih la lap shibun ki tiar siat kiba dei ki kuli suloi kiba bun jaid kiba la yep hapoh khyndew.
Na ka liang jong ki pulit kila kam ba kine ki tiar siat kiba la ioh ban kurup ki pulit ki suba jur badei jong ka seng lehnoh GNLA kaba la don mynta ha ka jingiakren ia suk kaba dang iaid mynta hapdeng ka sorkar pdeng, ka sorkar jylla bad katei ka seng.
Katkum ki thymmai khubor ka jingleit tih ki pulit ia ka jaka ba la tep ia kitei ki tiar siat ka dei ha dien ba kila ioh ia ka jingtip kaba thikna bad kane ka jinglap ia ki tiar siat kiba la buhrieh ha katei ka jaka long ka jingjop kaba khraw ia ki pulit ka East Garo Hills.
Katkum ka jingkhein kaba la ai da ki pulit jong ka East Garo Hills ka long ba ki kuli kibala ioyh ban kurup na ka jaka bala buh rieh ki long, 79 tylli ki dei ki kuli kiba lah ban sait ia ki liengsuin, kiwei ki kuli 175 tylli dei kiba 7.7 bad 10 tylli ki tiar bal ah ban shna jngpynbethei.
Na ka liang jong u Director General ki Pulit jong ka jylla u Dr. L.R Bishnoi u la pynpaw ba kane ka dei ka jingjop kaba khraw ia ki pulit ha kaba kila ioh ban kurup ia ki tiar siat kiba la buh rieh ha khyndew.
