Shillong, Jylliew 13: U shongknor ka iing dorbar thawain ka jylla u Thomas A Sangma mynta ka sngi u la lum ia ka jingialang ban ia kren halor ka jingshna ia ka iing dorbar kaba thymmai ka Meghalaya Legislative Assembly ha Mawdiangdiang kaba la jan dep mynta.
Kane ka jingialang kaba mynta ka sngi kila ia kren sani bha ha kaba ia dei bad ka jingiaid sha khmat jong ka jingtrei kumba ka long mynta bad ban sngewthuh kiei ki jingeh kiba don ban pyndep ia ka jingtei ia kane ka iing dorbar kaba itynnad ka yn sa lah ban pyndep noh shen.
Haba kren ha ki lat pathai khubor u Lamphang ka iing dorbar thawain ka jylla u Thomas A Sangma u la ong ba kane ka jingialang ka long ban peit ba ka jingtrei ka dei ban dep ha ka por kaba biang bad ka jingtrei kan long kaba bha.
Ka jingshna ia kane ka iing dorbar kam dei tang ba ki shna ia ka iing, hynrei ki kynthup ruh bun ki jingshna hapoh kane ka iing dorbar, kum ki lat jingiada ban ai jingshngian, ki sur jingsawa, ka jingbuh ia kit v ban peit, ban siang karpet, ia kane baroh kiba don kam kin ia treilang da ka jingiasngewthuh jingmut ha pdeng jong ki para ba ia trei.
La ong baka jingtrei kala iaid beit kumba ka long, hynrei don ki jigneh kiba mih na kid aw kiba ym lah ban kiar bad mynta kila ia kren sani ba kumno ban pynduh ia ka jingsawa kaba mih na ka tnud lada don ka jingslap bad kin dang peit kumno ban pynjah ia kane ka jingsawa.
La ong ba ka jingtrei kan dang lah ban shim por sa kumba hynriew haduh phra bnai ei ei , haba ia dei bad ka jinglut haduh mynta ka jingtrei ka dang iaid ha ka juh ka por aba la dep ban mang, lada don ka jinglut palat ia kaba la mang ruh kin sa peit, hynrei kaba kong san ka long ba ka jingtrei kan long kaba bha.
Kiba la don ha kane ka jingialang ki long u myntri rangbah ka jylla u Conrad K Sangma, ki ar ngut ki symbut myntri rangbah ka jylla u bah Prestone Tynsong ba dei peit ia ka PWD, bad u bah Sniawbhlang Dhar, Chief Secretary bah DP Wahlang, Dr. Vijay Kumar D, Commissioner bad Secretary ka tnad pla pisa, bah CVD Diengdoh Commissioner bad Secretary ka tnad Parliamentary Affairs department.
Kiwei kiba la don lang ki long u Secretary ka tnad PWD, Chief Engineer ka PWD Building, ki nongaibuid haba ia dei bad ka jingshna ia ka iing dorbar kila ia don lang, nalor kitei la don lang ruh u Commissioner bad Secretary ka iing dorbar thawian ka jylla u Dr. Andrew Simons, Secretary u Malthus Sangma bad na ki tnad sorkar, kum na Planning, tnad pla pisa, tnad pynroi sor bad ki engineer.
