Shillong, Jymmang 04: U Myntri ba dei peit ia ki kam bro ding ka jylla u Abu Taher Mondal u la leit ban jurip ia ka jingpyntrei ban maramot ia ka jingkieng dam ha Umiam ha ka sngi Thohding ha ka jingiadon lang u Sanjay Goyal ba dei u shongknor bad ha ka juh ka por u Managing Director ka MeECL la don lang bad kiwwei ki heh katei ka Corporation.
Kane ka jingleit u myntri ka sorkar jylla ban peit ia kane ka jingpyntrei ban pynbha ia kane ka dam kaba la dap mynta 50 snem ba kane ka jingmaramot kan long ban pynkhlain ia kane ka dam um sa dang 25 haduh 30 snem ka rta jong ka. Na ka liang jong u myntri u la ban jur ban iohi ba kane ka dam ka jingshngian.
Ka tnad pynmih bording ka jylla kala trei shitom na baroh ki ki liang ban pynthikna ba ka jingtrei kan long kaba biang bad ia ka jingtrei yn lah ban pyndep ha ka por laba biang, ka jingpyrkhing ia ka jingiaid ki kali ka long ban pynkloi ia ka jingtrei ba kan dup iaid beit, la kyntu ia ki paidbah kin iai shah shipor.
U Sanjay Goyal ba dei u shongknor bad Managing Director ka MeECL la ong ba kane ka jingtrei ka long ban pynkhlian ia kane ka jingkieng bad ka jingbuh kyndon ia ka jingiaid ki kali kit jingkit ha kane ka por ba dang maramot ka long na ka bynta ka jingpynkloi bad lah ban pyndep ha ka por kaba biang.
