Kane ka sorkar ka khlem shim khia ban dawa ILP ha Jylla kynnoh u Dr Mukul

Shillong, Nohprah 09: Mynta ka sngi ka jingialang jong ka Congress Legislature Party (CLP) kaba la long ha MLA Hostel kala ia kren ia shibun ki jingeh kiba ka jylla ka ia kynduh bad ban kdew ia ka sorkar ba ka dei ban leh halor ki jingeh kaba ki paidbah ki ia kynduh.

Haba kren ha ki lat pathai khubor u nongialam ka liang pyrshah u Dr Mukul Sangma u la ong ba ha kane ka jingialang jong ka CLP kala shim ia ka rai ban leit ia kynduh ia u Lat jong ka jylla ban ia kren halor ka MRRSA kaba la pynlong ain ha ka por ka sorkar jong ban teh lakam ia ki briew kiba mut ban rung sha kane ka jylla.

Haba ia dei bad ka MRRSA, na ka liang jong u Dr Mukul u la kynnoh ba kane ka sorkar kaba mynta kam don ka jingkit khlieh ban pyntrei kam ia ka dei na kane ka daw ban pynslem ia ka jingpyntrei kam kala wanrah ia ka jingpynkylla ha kane ka ain, la ong ba wat u myntri rangbah u Conrad K Sangma ym shym la pule bha ia kane ka ain.

Haba ia dei bad ka Inner Line Permit, u Dr Mukul u la kynnoh ba kane ka sorkar kam shym la shim khia ban ia kren bad ka sorkar pdeng ban pyntrei kam ia ka ILP ha kane ka jylla, u la ong ba ka iing dorbar kala dep ban ai ia ka jingmynjur bad na ka liang jong u myntri rangbah ruh u la dep ban kular ban pynurlong ia kane ka jingdawa, hynrei mynta la poi sa kawei ka Khristmas kam pat long kam.

U la ong ba ka jingai jingmynjur jong ka party Congress ban pyntrei kam ia ka ILP ha kane ka jylla ka long namar ba ka wan ka Citizenship Amendment Bill ha kato ka por bad mynta kala kylla ka CAA, la ong ba ka ILP kam dei eh kata ka ain kaba khlam hynrei namar ka CAA lada don kam ia ka ILP ha kane ka jylla ia kaba ka iing dorbar baroh kawei kala ai ka jingmynjur.

Ha kane ka jingialang ka CLP kala ia kren ruh ba hapoh kane ka sorkar kaba mynta bun na ki corporation jong ka sorkar kinongtrei kim ioh thikna ia ka tulop, kum jong ka MeECL, ka Shillong Muncipal Board bad ki nongtrei ka MCCL kaba ki hap ban mih sha madan ban ia khih mynta.

Ka jingiakren ka long ruh halor ka jingki nong SSA bad ki nonghikai Adhock ha kaba ia dei bad ka tulop jong, na ka liang jong ka liang pyrshah ka iohi ba kane ka sorkar kam shym la shim ia ka jingkitkhlieh halor ka jingeh ka jong ki bad ki khlem leh ia kaei kaba kila kular ha ka por ilekshon.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet