Shillong, Lber 01: Mynta ka sngi ki shipai BSF kila ioh ban khanglat ia ka jingkhii tuh na Meghalaya sha Bangladesh, ha kaba kila ioh ban kurup, shibun ka shini, ki dawai bad ka pisa India ia kine la ioh kurup na Umsyiem kaba hap hapoh East Khasi Hills District.
Ha kane la ioh ban kurup 15,000 kilo u shini, ha kane ka por ki briew kiba ym lah ban tip kiba la rieh hakhlaw kila kawang maw ia ki BSF katba ki dang sei iaki tiar kiba la ioh ban kurup ha kane ka jingjia kam shym don kano kano ka jingmynsaw, ha kane ka jingjia kali BSF kala julor.
Ha kawei pat ka jingjia ki shipai BSF kila ioh ban kurup bun bah ki dawai bad haba la khein kine ki dawai kiba la ioh ban kurup kila kot sha ka T.14 lak tyngka, kane kaba la ioh kurup ka hap hapoh jong ka West Jaintia Hills District.
Ki BSF kiba don ha Rajapara kila iohi ia ka jingiaid ki khar Bangladesh ha jan khappud bad ka Bangladesh, haba iohi ia kane kila khang kdong hynrei na ka daw jong ka jingkhlaw ka jaka kila ioh ban phet bad haba kila wat la shem ia ka jingsong bad haba la plie la shem ba ka don ka pisa India kaba don haduh T.7 lak tyngka.
Ki BSF kila aiti ia kane ka pisa kaba la ioh ban kurup sha ki pulit kiba don ha Gumaghat, na ka liang jong ki BSF kila ujor ruh ia ka ejahar na ka bynta ban tohkit halor, na ka liang jong ki BSF ki don ka jingsuba ba ia kane ka pisa la mang ban siew sha ki nongkhaii beain.
