Shillong, Kyllalyngkot 12: Mynta ka step kawei ka kali na Assam kaba leit kai sha Sohra katba ka dang wan phai kala kylla pyrdep ha Mawkdok bad baroh ar ngut ki briew kiba don ha kane ka kali kila mynsaw.
U myntri rangbah ka jylla u Conrad K Sangma bad ka myntri ka tnad ka koit ka khiah ka sorkar Meghalaya ka Dr. Ampareen Lyngdoh kila lap ia kane ka jingjia katba ki dang wan phai na Sohra kila sangeh ban iarap ia kiba kynduh ia kane ka jingjia.
Ki doctor kiba synran ia u myntri rangbah ka jylla bad ia ka myntrei ka koit ka khiah kila iarap ban sumar ia ki bad ha dien kata ka khot ia kali Ambulance ban pynkit ia ki sha jaka ai jingsumar.
