Shillong, Iaiong 13: Mynta ka sngi ki briew kiba iaid lyngba ka surok Shillong bye pass kila lap ba ka jingkieng nar kaba dang shu dep ban plie mynta tang hapoh 18 sngi kala kdiah bad kala kala pynkyndit ia ki ba ba bun ba lang.
Katkum ka jingiathuh ki briew la ong ba ki lyntang kiba siang ha kane ka jingkieng kila kdiang bad ki nar kiba siang nohpoh kane ka jingkieng ruh kila kdiah kumba saw tylli ei ei bad ka jingkynnoh ka long ba ka daw jong ka jingkdiah kane ka jingkieng ka long ba la kit palat pud ki trok.
U bah Apbor Nongrum President ka seng Hynniewtrep People Front la ong ba ka daw jong ka jingkdiah kane ka jingkieng ka dei namar ba kit palat put ki trok, la ong ba katkum ka jingtip jong ki kane ka jingkieng la shna ba kan kit tang 40 tone.
Na ka liang jong ka Deputy Commissioner jong ka Ri Bhoi District kala pynsangeh ia ki trok ban iaid namar ka jingmaramot ia kane ka jingkieng ka dang iaid sha khmat naduh mynne mynstep.
Haba la phone sha u Chief Engineer jong ka National Highway ban ioh ban tip kaei ka daw kaba la pynlong ba kane ka jingkieng kan kdiah na ka liang jong u Chief Engineer u khlem shim ia ka phone.
