Shillong, Rymphang 14: Ki shipai BSF ha ba kila ioh ia ka jingtip ba don ka kali kaba kit shino kaba mut leit sha Bangladesh kila pynlong ia ka jingpynap ktem ha khappud bad ka Bangladesh.
Ha kane ka jingpynap ktem ki shipai BSF kila ioh ban bat ia ka kali kaba la kit ia u shini bad haba la ioh ban bat ia ka kali shem ba u shino u don haduh 1600 kilo bala song bad thep ha ka kali bad ki shipai BSF kila ioh ban kem lai ngut ki nongkhaii.
Ki BSF kila ong ba kine ki lai ngut kiba la shah kem dei ki nongshong shnong ka Amlarem, ia u shini la thep ha ka kali Bolero Pickup, haduh mynta ki shipai BSF kila ioh ban kem haduh ar lak kilo u shini bad kane ka jingia khaii shini beain ka long ba ka dor shino sha Bangladesh kala kiew dor palat ha iew ha hat.
Ki shipai BSF ia ki briew kiba la ioh ban kem bad ia u shini bala ioh ban kurup la iati sha ki Pulit jong ka Dawki ba kin leh ia kaba don kam katkum ka ain. Na ka liang jong ki BSF ki long kiba peitngor ban pynthikna ban nym don ka jingiakhaii beain sha Bangladesh.
