Shillong, Jylliew 24: Ka jingtur jong ki nongkhaii drok sha kane ka jylla Meghalaya ban pynpoi ia u drok Heroin ka long kaba la palat, na ka liang jong ki pulit ka jylla ki long kiba la peitngor bha ha kaba ia dei bad kane ka kam rumar bad mynta ka sngi la ioh ban kem san ngut ki nongkhaii drok kiba wan na shbar ka jylla Meghalaya na surok bah ha Laitkor.
Katkum ka jingiathuh jong ki pulit la ong ba na kine ki briew kiba la wan na shabar ka jylla la ioh ban kurup ia udrok ba shongdor haduh T.1.3 klur tyngka bad san ngut ki briew kiba don hapoh kali la ioh ban kem ia ki, ki pulit kila kurup ia ka kali Swift kaba don ia u number TR-05F-0208.
Na kine ki briew la ioh ban kem sa kawei ka Bike, la ioh ban kurup ka pisa kaba la kot sha ka T.3.5 lak tyngka bad na kine la ioh ban kurup ruh san tylli ki mobile, na ka liang jong ki pulit kila kem ia ki bad ka jingtohkit ka dang iaid lap ia kiba don kti bad na ka liang ki pulit kila kut jingmut ban ia khun pyrshah ia ki nongkhaii drok.
