Shillong, Nailar 02: Ki pulit jong ka Tura mynta ka sngi ha dien ka jingtip kaba bniah kaba kila ioh kila leit ban khynra ia ka iing sah jong u Chanchu M Marak 32 snem bad na iing la ioh ban kurup 576 tylli ki dawai kuli dih pynbuaid.
Kine ki dawai kuli ban dih pynbuaid la tip kyrteng kum u Tramadol Hydrochloride Capsules, na u tei bala shah kem ki pulit kila ioh ban kurup kawei ka mobile phone, ki pulit kila kem ia u bad la register ejahar pyrshah ia u tei u briew.
Ki pulit jong ka Tura ha kine ki lai sngi lynter kila ioh ban kem ia ki nongkhaii drok, kynthup ia ki ar ngut ki pulit, wei la weng kam shipor bad u wei pat la kem ia u, na ka liang jong ki pulit ki dang tohkit ban lap shuh shuh ia kiba don kti ha kane ka jingia khaii drok.
Na ka liang jong ki pulit kila dang pynkhlian shuh shuh ia ka jingpeitngor ba ki nongkhaii ia kine ki jingdih pynbuaid kin nym ioh lad ban pyniaid iew ia kine ki kam sniew na ka liang jong ki pulit ki kyntu ia ki paidba ba kin ai ka jingiatrei lang ban ia khun pyrshah ia kane ka jingsniew.
