Shillong, Jylliew 01: Ki pulit jong ka nongbah Shillong ha dien ba kila iohi ia ka bideo kaba la saphriang ha ki lad pathai khubor ba u nongniah bad u nongbut ka trok rit kit mar Supper Carry bala synrud bad katahkti ia u pulit ba pyniaid kali ha surok Nongthymmai kila kem noh ia ki baroh ar ngut.
Na ka liang jong ki pulit kila iathuh ba kine ki ar ngut kiba la shah kem ki long u bah Johnyrias Marbah nongniah bad u Augustine marbah nongbut ka kali kit mar kaba don ia u number ML-05-T-8200 bad la register da ka ejahar pyrshah ia kitei ki ar ngut hapoh ki kyndon bapher bapher jong ka IPC.
Kito kiba la shah kem u nongniah dei na Upper Nongrah bad u nongbut dei na Nongrah Umjapung, ki pulit kila iathuh ba ia kine ki ar ngut yn rah ia ki sha iing bishar. Na ka liang jong ki pulit mar ia iohi haka 31/5/2022 ia ka Bideo ia kaei kaba jia kila thwet mador ia katei ka kali bad la ioh ban kem mynta ka sngi.
U bah Dwustar Lyngkhoi ba dei hapoh jong ka tand pyniaid kali jong ka Madanryting haba la iohi ba katei ka kali kala pynkhein ia ki kyndon pyniaid kali u la leit ban pyndep iala ka jong ka kamram hynrei u nongniah katei ka kali u la synrud da ka kali bad u nongbud u la ktah kti ia u tei u pulit.
