Shillong, Rymphang 12: Ki shipai BSF kiba don ha khappud bad ka Bangladesh ha West Jiantia Hills District mynta ka sngi kila ioh ban kurup haduh 37 tylli ki muid,ia ki la ioh ban kurup katba ki nongkhaii beain ki mut phah sha Bangladesh.
Kane ka jinglah jong ki BSF ban ioh kem ka long halor ka jigtip kaba kila ioh lyngba ki lat khubor ba ki don ki briew ki mut phah ia ki muid sha Bangladesh, ki kynhun shipaiBSF kiba dei na ka 4th Battalion kila khang kdong ia ka khlaw bad kila ioh ban kurup ia kitei ki muid.
Na ka liang jong ki BSF ha dien ba kila pyndep ia ki jingdon kam baroh kila aiti sha ki Pulit ban leh ia kaba don kam katkum ka ain. Ki BSF ki long kiba peitngor ban peit ba ki nongkhaii beain kin nym ioh ban ia khaii beain.
Ha ka juh ka por ka jingiatreilang ha pdeng ki pulit bad ki BSF kila ioh ban kurup haduh 12,000 kilo u shini ba la buh ha kudam ban phah sha Bangladesh ka jingkurup jong ki BSF ia u shini ka long ha dien ba ym don ba kam bad ym lah ban pynshisha ia ka jingbuh ia u shini ha katei ka jaka ha Garo Hills.
