Tura, Nohprah 22: Mynta ka sngi ki paidbah, kynthup ia ki katto katne ki seng bhalang la don lang ruh ki kynthei kila i alum ha khmat ka bank jong ka SBI bad kila khang tala ia ki nongtrei jong kane ka bank na sha bar ha kaba ym don ba lah ban rung en ban mih.
Kine ki paid bhur kila pyrshang ruh ban ktah kti ia u manager jong ka SBI ha kane ka jaka, ka daw kaba la pynlong ia ki paidbah ba kin bitar ka long ba ka jingduna palat ka pisa khutia ha kane ka Bank, kaba bun ka pisa kaba kane ka Bank ka ai dei tang ka Lut T.2000 tyngka.
Ha kawei pat ka jingjia ki paidbah jong ka shnong Chokpot kila bitar namar ba ka Apex Bank kam don pisa shuh, ha ka jingbitar kila kawang maw ia kane ka Bank, hynrei la pynjai jai noh da ki pulit kiba don ha kane jaka. Katba ka SBI kaba don ha kane ka jaka kala trei kam khlem jingthut.
