Shillong, Jylliew 27: Ki pulit jong ka Ri Bhoi District ha ka miet jong ka 25/6/2023 kila ioh ia ka jigntip ba kala don ka jingjia kaba sngewsih ha shnong Kyrdemkulai Ri Bhoi District ba ar ngut ki briew kila thiah lyngkrang hapdeng ka snam.
Ki pulit mar ia ioh ia kane ka jingtip kila poi mar mar sha katei ka iing kaba don kane ka jingjia, kila rah ia ki sha Umsning CHC ha kaba la pynbna ba ka kurim kala khlad bad u lok u don ha pdeng ka jingshitom kaba jur la pynkit sha Civil Hospital Shillong.
Na ka liang jong ki pulit kila suba jur ba ia kane ka kam runar la leh da u kurim hynrei mytna namar ba u dang don ha jingbymtip briew ki pulit kim pat ioh ban tohkit ia u kurim, na ka liang jong ki pulit kila register ia ka ejahar ha Nongpoh Police Station.
Ia ka met jong ka kynthei ba khlad la buh ha Nongpoh Civil Hospital Nongpoh ban pyndep ia kaba don kam katkum ka ain, ki pulit kila ioh ban kurup ruh ia ki tiar kbia la pyndon kam ha kane ka jingjia kaba sngewsih. Ka para jong kaba khlad kala ujor ruh ia ka ejahar ha Nongpoh PS.
Ka kurim kaba la khlad ha kane ka jingjia ki pulit kila iathuh ba ka dei ka Beena Sumar bad u kurim u ba dang don ha pdeng jingbym pat tip briew na ka ka jingmynsaw la tip kyrteng kum u Keshab Sumar ia ka ejahar la register hapoh ki kyndon jong ka No 70(06)2023 u/s 302, IPC. Ha Nongpoh Police Station.
