Shillong, Lber 20: U Director ka tnad ka koit ka khiah u Dr Aman War mynta ka sngi la pyntip ba kawei ka long kmie kaba la tip kyrteng kum ka kong Debaris Lyngdoh 38 snem na ka shnong Umktieh, Umroi, Ri Bhoi District kala khlad na ka jingpang COVID-19, kiba khlad baroh na kane ka jingpang kala kiew sha ka 149 ngut.
Ha juh ka por u Director la pyntip bs kiba la test COVID-19 positive mynta ka sngi ki long saw ngut baroh ki dei ki riew paidbah na East Khasi Hills District kiba dang shitom baroh ha ka jylla ki long 29 ngut, kiba la ioh ia ka jingkoit ki long 6 ngut kine ruh ki dei na East Khasi Hills, kiba la koit baroh ki long 13835 ngut.
