Shillong, Risaw 28: U bah Nasar Marwein MDC jong ka UDP ba dei na ka Langrin Konstitwensi Langrin u la khlad noh mynta ka noh phai sngi ha NEIGHRIMS Hospital ha dien ba ka jingshitom kala bat katto katne por.
U Bah Nasar Marwein u shong u sah hapoh ka shnong Umsur kaba hap hapoh jong ka South West Khasi Hills District u la jop ia kane ka MDC 2019 na ka party United Democratic Party na ka Langrin Konstitwensi hapoh jong ka Khasi Hills Autonomous District Council.
U bah Teinwell Dkhar Chief Executive Member jong ka KHADC u la iathuh ba hapoh jong ka KHADC u Bah Nasar u bat ia ka kam Chairman ba dei jong ka “Resources Mobilization”.
