Shillong, Naitung 16: Mynta ka sngi ka jylla kala duh sa u wei u reiw rangbah da ka jingkhlad noh jong u bah Obil Kyndait 76 snem u ba dei u MLA barim bad u CEM barim jong ka JHADC ha iing sah jong u ha shnong Mukhaialong East Jaintia Hills District.
U Bah Obil Kyndait u la jop ia ka MLA elkeshon na ka Rymbai Konstituency ha ka snem 1978, ha dien kata u la job bun sien kum u MDC sha ka iing dorbar jong ka JHADC, kum nongmih khmat sha katei ka iing dorbar u la ioh ban bat ia ka kam CEM bad Shongknor ruh jong ka JHADC.
U general secretary jong ka seng ka seng Synjuk ki Rangbah kur kaba Bri u Hynniewtrep u bah Aristotle Lyngdoh Mawphlang u la phah ia ka khubor sngewlem halor kane ka jingkhlad jong u ne u riew rangbah bad kane ka long ka jingduh kaba khraw ia ka jaidbynriew.
Dei u bah Opbil u ba la khot ia ka jingialang jong ka Synjuk ha MDC Hostel ha Jowai ban ia kren kumno ban sdang ia ka synjuk ha Jaitnia Hills ban pynkhlain ia ki kur, kum ka sngew ka pynpaw ia ka jingsngewsih halor kane ka jingkhlad noh ka jong u bad duwai ba u blei un ai ka jingjah thiat bym juhkut ia ka mynsiem ha dwar u blei.
