Shillong, Jylliew 10: U bah Reading M Marwein trai jong ka kot khubor Mawphor u la khlad mynta ka sngi ha dien ka jingshitom kaba la bat ia u katto katne por, ka jingleit on tep kan long mynta ka jan miet ha u lum jingtep jong ka balang Presbyterian Mawlai Mawiongrim.
U Bah Reding u la trei shitom haduh ba un da lah ban pynlong ia ka Kot khubor Mawphor kum ka kot Khubor khasi kaba nyngkong kaban mih mala ka sngi, ka jingkhlad noh jong u bah Marwein kala wanrah ka jingduh kaba khraw ha ka jaidbynriew khasi.
U bah Reading ym tang ba u pynmih ia ka kot khubor khasi Mawphor, hynrei u la seng ruh ia ka kot khubor phareng ia kaba la tip kum ka Highland Post kaba dei kawei na ki kot khubor phareng kaba sdang ban paw mynta.
Na ka liang jong u Editor ka SP News Agency ka ka phah ia kane ka jingsngewlem sha kiba ha iing ha snem halor kane ka jingkhlad noh ka jong u tei u rangbah bad ha ka juh ka por khlem da klet ba la sdang ia kane ka kam thoh khubor ha u Mawphor ha u snem 1994.
