Shillong, Noghprah 26: U Dr. Bajubon Kharlukhi MP barim sha ka iing dorbar Parliament Lok Sabha jong ka Ri India na 1-Shillong Parliamentary Seat la khlad noh ha Hospital ha Guwahati ha ka 25th Nohprah 2021.
U Dr. Kharlukhi u la long u wei na ki nongïalam ka All Party Hill Leaders’ Conference (APHLC) kaba dei ka seng saiñ pyrthei kaba la long hakhmat ban ïakhun ban ïoh ïa ka jylla bapura, ka jylla Meghalaya.
La kha ïa u Dr. Kharlukhi ha ka 8th Risaw, 1939, bad u la pyndep ïa ki jingpule na Gauhati University, St. Anthony’s College, Shillong, bad u la ïoh ïa ka kyrdan Ph.D. na Gauhati University.
U la pyndep ruh ïa ka Assam Civil Service ha u snem 1966. Hashwa kata, ha u snem 1964, u la long kum u Assistant Headmaster ka Langtor Government Aided High School.
Ha u snem 1983, u Dr. Kharlukhi ila shah jied sha ka Lok Sabha kum u MP ka Shillong Parliamentary Constituency ha kaba u la jop ïa kane ka ilekshon kum u kyrtong ka seng APHLC. Ia ka jingleh burom kaba khatduh ban leit tep don burom ia u Dr Kharlukhi kan long la shai ka sngi.
