Shillong, Kyllalyngkot 28: Ka jingialehkai hapdeng ka jylla Meghalaya bad ka Haryana haka Group C mynta ka sngi ha madan Polo ha ka Hero Junior National Football Championship ba dei jong u Dr BC Roy Trophy. Ha kane ka jingialehkai ym shym don bat hep kol.
Ha kane ka jingialehkai na ka baroh arliang kila ia khun tyngeh ban ioh thep kol hynrei ka jingiakhun kala long kaba itynnad ha kaba ba baroh ar tylli ki kynhun kila ia leh tyngeh hynrei namar ba kim shym la ioh ban thep kol kila ioh mar shi point na ka jingialehkai.
Shuwa ban sdang ka jingialehkai na ka liang jong u myntri ba dei peit ia ki kam ialehkai jong ka jylla u bah Banteidor Lyngdoh u la ai khublei ia ki ar tylli ki kynhun, ha kaba la synrang lang da u Bah DP Wahlang Principal Secretary, IGP u Bah AR Mawthoh ka director ka tnad ialehkai ka kong Wanri Booth ba du president ka MFA u bah Larsing Ming Sawyan.
Ha ka jingialehkai mynstep hapdeng ka jylla Goa bad ka Mizoram kine ruh kim shym la lah ban ia thep kol. Ha kawei pat ka jingialehkai ha pdeng ka SAI bad ka Odhisha, ka SAI kala ioh ban thep shikol bad jop ia ka jingialehkai. Ia ka kol la thep da u Parimal Sarkar u ba la mih ha dien ha ka jingialehkai. Ha ka jingialehkai ha ka Group A ka Utter Pradesh ka jop pyrshah ia ka Delhi da 5-1 kol.
