Shillong, Iaiong 13: Ka Sur u paidbah ka Bri u Hynniewtrep ha ryngkat bad ka JACBOM mynta ka sngi ka 13 tarik u Iaiong 2024 ki la ioh ban pynlong da ka common Platform da ka jingthmu ban wanrah lang ha ka juh ka ryngsan ia baroh hynriew ngut ki kyrtong ki ban ia khun ia ka election MP sha Lok Sabha.
Ka jylla Meghalaya kan sa leit ban jied ia u MP na ka 1-Shillong (ST) Parliamentary Konstitwensi ha ka 19 taik u Iaiong 2024. Ha kane ka common Platform la iohi ba tang ar ngut na kine ki kyrtong ki ban ia khun ia ka Election MP ki la wanmih katba saw ngut ki la jahryngai bad ka UDP ka la ioh ban phah ia u Dr Jemino Mawthoh.
Ki party bad ki kyrtong ki ba la poi sha kane ka Common platform ba la pynlong da ka Sur u Paidbah Ka Bri u Hynniewtrep ia ka ba la pynlong hapoh ka Khasi National Dorbar Hall ki kynthup ia u Prof Lakhon Kma u bai a khun kum u independent candidate, u bah Petar Chall independent candidate.
Na ka liang jog ki party u Dr Jemino Mawthoh u ba la wan ban mih khmat ia u kyrtong ka seng UDP. Ki kyrtong ki bym lah ban poi sha kane ka jingialang ki kynthup ia ka Dr M Ampareen Lyngdoh na ka seng NPP, u Dr Ricky Syngkon na ka seng VPP.
Ha ba kren ha kane ka common platform u Prof Lakhon Kma u la pynpaw ia ka jingeh ba ki samla kin iohkam iohnjam ha ka Jylla bad wat ha ki central government. ka jing pyntrei kam ia ka cuet ba kin don ia ki central ha ka Jylla bad ki district, u la kular ruh ban rah ia ka mat iakren halor ka ILP.
U la ong ruh ba la da u long kum u MP ka Shillong parliament un wanrah ia ka MP education fund ban kyrshan ia ki khynnah skul khamtam ia ki khynnah ki ba duk khnang ba ynlah ban pynduna ia ka jingpep skul shiteng por, jong ki Khynnah. U la ongruh ban kren ha lor ka jingkynthup ia ka ktien khasi 8scheduled bad kiwei kiwei pat kijingeh ba kumka Jylla ka ia kynduh.
U bah Peter Challam,u la kren halor ka jing hiar ka Jylla ha ka iohbka kot bad ka jing bymlah ka Jylla Meghalaya ban kyntiew ha ka ioh ka kot. U la kular ruh ban kren halor ka jingktah ia ka jing pyntrei kam ia ka CAA ha poh ka ri baroh kawei ka long tangka buit trei kam.ka bjp ha ka ba kalah ban wanrah ia ka jingma ia ka Jylla jongngi.
U bah Jemino Mawthoh u ba dei u General Secretary ka UDP, u la kular ba la da u kyrtong iamonlang ka RDA u poi sha ka thong un kren halor ka ILP, border issue, ka jingbymlah ban pyntrei kam ia ka ILP ha ka Jylla bad ka jing sah teng ha duh mynta, ka jingpynrung ia ka ktien khasi ha ka 8 scheduled ha ryngkat ka jing iatrei lang bad ka KAS, kan kren halor u pud u Sam kaba dei ka kam ba lah sah teng na duh kipor ki ba mynshwa.
