Shillong, Jymmang 26: U Additional Deputy Commissioner ka East Khasi Hills District la khot ia ka jingialang ia ki hynriew mamla la shai ka sngi ka 27/ Jymmang /2024 ban ia kren ba shong beain ki briew ha Lum Survey kaba dei ka jaka jong ka Cantonment.
Ki hynriew mamla kiba la khot sha kane ka jingialang da u ADC ka East Khasi Hills District ki long, u Superintendent ki pulit ka East Khasi Hills District, u Chief Executive Officer Shillong Cantonment Board, Defence Estate Officer Guwahati.
U Secretary Meghalaya Urban Development Authority, Chief Executive Officer Shillong Municipal Board, bad sha u President bad sha u Secretary ka seng Hynniewtrep Youth Council.
Ka phang jong kane ka jingiakren ka long halor ka jingshong beain jong ki briew ha jaka jong ka Cantonment ha jan jong Bara Bazar Fire bad Emergency Service Station, ka jingialang kan long ha kamra jong u Deputy Commissioner jong ka East Khasi Hills District por 2.00 baje noh phai sngi.
