Shillong, Lber 03: Mynta ka sngi u Deputy Commissioner bad dei ruh u District Election Officer jong ka East Khasi Hills District u la pyntip sha u general secretary jong ka Voice of the People Party ba kan don ka jingilang la sngi nyngkong halor ka jingpang ka party ban niew biang ia ki vote na ka 20-Mylliem (ST) Assembly Constituency.
Kane ka jingpyntip ban long ka jingialang ban ia kren ban niew biang ia ki vote kan long ha ka 6th Lber 2023 ha ka por 12.30 baje noh phai sngi, la kyntu ia u general secretary jong ka VPP ban don lang ha katei ka por. Ia kane la pyntip ruh sha u RO jong ka 20-Mylliem (ST) Assembly Constiuency.
Kane ka jingkhot ia ka jingialang da u DEO jong ka East Khasi Hills District ka long halor ka jingthoh kaba la phah da u general secretary jong ka party VPP sha u CEO jong ka jylla Meghalaya ban niew biang ia ka vote kaba dei hapoh jong ka 20-Mylliem (ST) Assembly Constituency. Katkum ka shithi number No.EL.73/2022/160 dated 3rd March 2023.
