Shillong, Nailur 21: U Deputy Chief Executive Member jong ka KHADC u bah Pynshngianlang N Syiem la iathuh bala khot ia ka dorbar ba kyrpang kaba ar sngi ka ban sdang la shai ka sngi.
Ka jingkhot ia ka dorbar kaba kyrpang ka long ban ia kren halor ka jingpynlut pynsep jong ka KHADC na ka bynta ban pynlong ia ka ‘Monolith Festival’ na ka bynta ka jingbei pisa na ka sorkar jylla lyngba ka tnad shangsuwari namar ba khlem pat pynrung ha ka mang tyngka ka District Council.
Ha kaba ia dei bad ka baibam tynmen ki MDC la ong ba ki don ki MDC ki bala leit sha ka Iing bishar na ka bynta kane u la ong bad kan don ruh ka jingwanrah banpynkylla ia ka Administration kaba ia dei bad ka ain halor ki Elaka, ka Administration of Elaka Act 1991.
Ka jingwan rah ia kane ka jingpynkylla ha katei ka ain kalong ba ha kine ki sngi kila don shi bun ki jingbym shong suk ha ki shnong ki thaw bad u la pynpaw ba um kwah ba ka Meghalaya kan long kum ka jylla Manipur.
Ha kane ka jingpynkyllayn ai boria ki dorbar shnong, ki seng long kmie , ki sengsamla bad ki la rai ruh ban don ki Vigilance committee ki balah ban the lakamia ka jing rung jingmihjong ki briew ki bana bar.
Kan don ruh ka jingwan rah ia ka jingpyn kylla ha ka hima Nongkhlaw ha ka ba iadei bad ka jingjied ia ki syiem bad ki Deputy syiem ha ka bana ka liang ka DCA ka la pynphai ban pyn kylla ha ki katto katne ki bynta.
Ha kaba iadei bad ka Treading by non tribal, ka EC ka la rai ban pynthymmai ia ka ba kan long da ka Jingpynkylla bad kiwei kiwei pat kiba ia dei bad ka jingpynlut pynsep jong ka konsil.
