New Delhi, Jymmang 25: Ka tnat Kyntiew ia ki Longkmie bad ki Khynnah jong ka Sorkar India ka pynlong ia ka Pradhan Mantri Rashtriya Bal Puraskar (PMRBP) man u snem ban ai jingithuh ia ki khynnah kiba don sap kyrpang.
Kiba lah ban aplly kin long kiba la leh ia ki kam ba khraw ha ka jingshlur, ki kam Ialehkai, ka Jingai Jingshakri ia ka Imlang Sahlang, ka Science bad Teknoloji, ka Mariang, ka kam Barikor bad ka Saindur Thymmai, ia kiba hap ban ai jingithuh ka ri baroh kawei.
Kine ki khusnam ki dei kiba sam da ka President jong ka India ha New Delhi ha ka prokram ba kyrpang ka ba long ha u bnai Kyllalyngkot man u snem. Kane ka khusnam ka wan ruh bad ka song tyngka kaba T. 1,00,000/-, katakma, ka Certificate bad kiwei kiwei.
Uno uno u khynnah uba dei u nongshong shnong ka India bad uba sah ha India, u bym pat tam 18 snem ka rta (haduh ka tarik khatduh ba la buh ban ai ki jingtyrwa) u lah ban ioh ia kane ka khusnam.
Ia ki jingtyrwa na ka bynta ka khusnam PMRBP yn pdiang tang ha ka rynsan online https://awards.gov.in, ia kaba la buh khnang na kane ka bynta. Ka tarik ba khatduh ba la buh ban ioh ia ki phom ai jingtyrwa online ka dei ha ka 31.07.2023.
Ia ki jingtyrwa yn pdiang tang lyngba ka rynsan online https://awards.gov.in. haduh ka 31.07.2023.Ia ki jingtip ba kham bniah lah ban ioh na ka : https://wcd.nic.in/sites/default/files/PMRBP%20Guidelines.pdf
