Shillong, Jymmang 02: U Myntri Rangbah ka jylla u Conrad K Sangma mynta ka sngi u la khot ia ka jingialang ia ki ophisar ka tnad khlaw ban tip ia ka jingtrei ha kaba ia dei bad ka State Zoo ha Umtrew Ri Bhoi District.
Kane ka State Zoo ka don ha Umtrew hapoh ka Ri Bhoi District bad ka jingiar jong ka don 72 akar bad ka jingtrei kala iaid sha khmat bad shen yn sa lah ban pyntrei kam noh ia kane ka jaka ri mrad la ia thuh ki ophisar sha u myntri rangbah.
Na ka liang u myntri rangbah ka jylla u la ong ba kane ka jaka buh ia ki mrad ka dei ban long ka ban khring ia ki nongwan jngohkai pyrthei bad ba kim tip ia ka jingdon ki syntiew ki skut kiba bun jait, nalor ba ka dei ka jaka jngohkai kan long ruh ja jaka wat jingtip.
U Myntri Rangbah ka jylla u la ong ba ki ophisar jong ka tnad khlaw kidei ban peit ia ka jingpyniaid ia ka man ka sngi kumno ban sumr ia ka bad ia ka jingpyntrei kam dei ban ai sha kiba la pyntbit kyrpang, kum ka jaka die tiket, pynieng kali, ki jaka bam bad kiwei kiwei ki jingdon kam ki paidbah.
