Khynnah ka KSU khlem pyntip ia ki paidbah ka Regional Committee haba ia kren kam pud

Shillong, Naiwieng 29: Kyntu ka KSU na Nongpsung bad Sohiong ia ka sorkar Meghalaya ba kam dei ban shah jem ha kane ka jingiapynbeit pud bad ka jylla Assam kaba dang iaid sha khmat mynta.

Haba kren ha ki lat pathai khubor mynta ka sngi u samla Emos John Syiemlieh president ka  KSU Nongspung bad ki nongshong shnong ka Mawtamur ki pynrem jur ia ka jingleh ka sorkar Assam ba u myntri ka sorkar Assam la knieh ia u tynghung por ba kren ha ka jingiakren pynbeit pud.

Na ka liang jong ka KSU ka pynrem jur ia kane ka jingleh shiliang jong ka sorkar Assam bad kala don ba dei ban ailad ruh ia kiwei ki liang ban kren  ha kaba ia dei bad kane ka jingpynbeit ia ka jingeh ha khappud.

U Nongialam ka KSU la ong ba ki paidbah ka Hima Sohiong bad Jirang kin nym pdiang ia kata ka jingiashim ia ai ha kane ka jingiapynbeit pud hapdeng kine ki ar tylli ki jylla, na ka liang jong ka Western Border kala kynnoh ba ka sorkar Assam kala pyndon kam ia ki tnad khlaw ban wan tam pud.

Kane ka jingpynkhuid khlaw ka Assam ka long kum ha ka shnong  Bernongsai, Jimbergoan, Bakhlapara, Ranibari, Bilpara kiba hap hapoh jong ka  Hima Nongspung, la kynnoh ba ka sorkar Assam kala khroh ia ki briew ban don bad ka jylla Assam da kaba kular ia ki kam pynroi.

La kynnoh ba ka Regional Committee kam shym la pyntip sha ki paidbah shuwa ba kin wan sha ka jingiakren pynbeit pud bad ka KSU ka dawa ba ia ka khyndew jong ka jylla ym dei ban ai sha ka jylla Assam la kren ki nongialam ka KSU.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet