Shillong, Jylliew 23: Ka Synjuk ki Rangbah shnong ka raid Nongtung kiba kynthup ia ki 18 tylli ki shnong kiba kam ba ki don hapdeng ka jingiakam pud ha ka jingialang kaba ki la pynlong mynta ka sngi kila ia kren sani bha halor ka jingmih ka United Khasi People Organization (UKPO).
U bah B Sohtun President ka synjuk ki rangbah shnong ka raid Nongtung kiba la tip kum ka Block II, u la pynshai ba na ka liang ki rangbah shnong kim don kano kano ka jingtip bad kim don bynta bad kata ka seng UKPO.
Ka synjuk ki rangbah shnong ka raid Nongtung ka pynrem ia ka jingkam jong ki nongialam ka UKPO, ka Synjuk ki Rangbah shnong kila kren shai ba lada don kano kano ka kynhun ki dei ban pyntip kim dei ban shukam ia lade khlem da tip ki rangbah shnong.
La kyrpad ia baroh ki paidbah nongshnong ban ialang kawei ha ka bha ka miat ka im ka iap ka khydnew ka shyiap bad khamtam shuwa ba kine ki ar tylli ki sorkar kin shim ban ia pynbeit ia u pud u sam to long kiba ia tylli ban ioh ia ka hok na ka bynta ka lawei.
La ban pynkynmaw ba ia ka UKPO la seng ha ka 16/06/2022 ha kaba kila kwah ban pan na ka KAAC ban thung u wei u MDC na ki jaidbynriew khasi hapoh katei ka Council bad ban iathuh ia ki riti dustur jong ki khasi kiba sah ha Karbi Anglong.
