Shillong, Nailar 2: U Syiem jontg ka Raid Nongtung u pa,im Niwel Shadap mynta ka sngi u la ong ba ka raid ka don 34 tylli ki shong baroh bad na kine 21 tylli ki hap hapoh jong ka Block-II bad kine ki shnong ki dei ban wan hapoh ka jylla Meghalaya.
Haba kren ha ki lat pathai khubor, u la ong ba kum u syiem jong ka Raid bad kum u riew rangbah ka thain ba la 82 snem ka rta u la ong ba katkum ka jingpynbna sorkar ha ka snem 1951 ha ka por jong ka jylla Assam kitei ki 21 tylli ki shnong ki hap hapoh jong ka jylla Meghalaya.
U pa,im Shadap ka raid Nongtung u la pynpaw ia ka jingsngew kmen kaba khraw ba kane ka sorkar kaba la ialam da u Cornad K Sangma mynta ka don shisha ia kata ka jingkit khlieh ban pynbeit ia u pud u sam ym kum kiwei ki sorkar ha ki por kiba la leit noh ki jingiakren ki shu sah tang ki jigniakren.
Haba ia dei bad ka jingwan tei jong ka Assam ia ka khyrdop ha shnong Sabuda haba la ujor ka Assam kala ong dei ban soi bad haba la shim ia u khulom shuwa ban soi kila kylli dei na kaei ka shnong haba la iathuh ba dei na Umpohwin kim shah. Haba ia dei bad kane wat ka sorkar Meghalaya ruh ka sngap jar ka khlem ujor ei ei.
Haba ia dei bad kane ka jingpynbeit pud kane ka sorkar kaba mynta kala shim ia ka rai kaba biang eh ban pdiang ia ka polisi ban ia shim ia ai ban pynkut noh ia kane ka jingeh khappud, ka jingia pynbeit pud kam dei da ki bor shipai ne ki bor pulit ne kita ki jingiapynbnra ia ki jingtrei.
Haba ia dei bad kane to ym nym pynthud ia ka Block-II baroh kawei ai kito kiwei kiwei kin sah ha Block-II, hynrei kine ki 21 tylli ki shnong ki dei ban don hapoh ka jylla Meghalaya bad ha kane ka kynti kaba mynta dei ban lah ban ia pynbeit noh ia kane ka jingiakajia pud.
Ka jingiakam pud kumba ka long katkum ka jingpynbna ka sorkar Assam ha kato ka por ka 13th Iaiong 1951 ka Umlet kaba shisha ka dei katkum kane ka jingpynbna kaba la pynmih da ka sorkar Assam ha kato ka por kam dei ka Umsohphoh kumba la pynbiej da ka sorkar Assam.
