Shillong, Nailur 21: U President ka Meghelaya State Olympic Association u bah John F Kharshiing u la ong ba ka jingdon jong ki briew ki ban wan ia shim bynta ha kane ka Sohra Half Marathon kaba ar ka ban long ha ka 30 tarik Nailur 2023 ka lah ban poi sha ka 3975 ngut.
Ha kaba 2347 ki ba la pynrung kyrteng ia lade lyngba ka online mode bad 1628 lyngba ka offline mode. Hakane ka sngi yn wan ia shim bynta da ki khynnah skul na ka thain Sohra, ki nongmareh na ka jylla bad kum juh ruh ki bana sha bar ka jylla bad wat ki bana bar ri ruh kum juh.
Na ka liang u General secretary ka MSOA u Bah Finely Pariat u ong ba ka por ban sdang ia kane ka jingiamareh Half Marathon kan sdangna duh ka por 6:30 mynstep , ha ka ba kin don ha duh 700 ngut ki volunteer ki ban ia rap ban pyniaid ia kane ka marathon.
Ki volunteer ki ba bun ki dei na ki thain Sohra bad kum juh ruh na ki tnad sorkar bapher bapher jong ka sorkar jylla. U la bynrap ruh ba ka jingsdang ban sam ia ki chest number sha ki nongia shim bynta kan long na duh ka 26 tarik haduh ka 29 tarik mynta u bnai naduh ka por shibaje noh phai sngi haduh ka por 6 baje jan miet mynta u bnai na ka ophis jong ka MSA.
Kat bana ka bynta ki nongia shim bynta kiba dei na ki thain Sohra ki lah ban wan shim na ka Sohra bad kum juh ruh ia kiwei kiwei pat ki jingtip ki ba iadei bad ka tei ka sngi ki lah ban ioh na ki district jong ki hi.
