New Delhi, Iaiong 27: U Myntri Rangbah Duh, u Narendra Modiunpliepaidbah ia 91 tylli ki FM transmitter kiba 100 W ha ka 28 tarik u Iaiong ha ka por 10:30 mynstep lyngba ka video conferencing. Kane ka jingplie ia ki FM transmitter kan kyntiew ia ki kam radio ha ka ri.
Ha Meghalaya, yn plieia ki FM transmitter ba thymmai haNongstoinbad Williamnagar. U FM Transmitter ha ka Community Radio Station (CRS), Nongstoinun treikam ha ka 100.1 MHz FM Band katba uba ha Williamnagarun treikam ha ka 100.9 MHz FM Band.
Ia ki 100W Transmitter yn iohsngew ha kumba 400 Sq. km ka jaka ha kaba yn pynbiang ia ki prokram pynbyrnia bad prokram ai jinghikai ia ki nongsngap ha ki shnong bad ki jaka sor kiba don hajan.
Ban rakhe ia kane, yn pynlong ia ka prokram ha ka CRS Nongstoin bad Williamnagar. U Conrad Sangma, Myntri Rangbah ka jylla Meghalaya un iashim bynta lang lyngba ki lad digital. Ki riewpawkhmat jong ka Nongstoinbad Williamnagarkiba kynthup ia ki ophisar Sorkar bad ki heh ki hainkin wan iashim bynta lang ha Nongstoinbad Williamnagar.
Ka Sorkar ka la kut jingmut ban pynkhlain ia ka jingpyniasoh FM ha ka ri. Ki 91 tylli ki 100 W FM transmitter ba thymmai ki dei kiba la pynbiang ha 84 tylli ki distrik ha 18 tylli ki jylla bad 2 tylli ki Union Territory.Ka jingpeit bniah ka dei ia ka jingpyniar ha ki distrikAspirational bad ki jaka khappud.
Ki jylla bad ki UT hapoh kane ki long ka Bihar, Jharkhand, Odisha, West Bengal, Assam, Meghalaya, Nagaland, Haryana, Rajasthan, Uttar Pradesh, Uttarakhand, Andhra Pradesh, Kerala, Telangana, Chhattisgarh, Gujarat, Madhya Pradesh, Maharashtra, Ladakhbad Andaman & Nicobar Islands.
Ha kane ka jingpyniaria ki jingai jingshakri FM jong ka AIR, yn pynpoi sa ia 2 klur ngut ki briew jong ka ri ki bym shym la ioh bynta ha kane ka rynsan. Kan wanrah ia ka jingpyniar kaba kumba 35,000 sq km.
U Myntri Rangbah Duh u ngeit skhem ha ka bynta jong ka radio ha ka jingiakren bad ki paidbah. Ban shim ia ka bor kaba kyrpang jong kane ka rynsan kaba lah ban poi sha ki jaka baroh, u Myntri Rangbah Duh u la sdang ia ka prokram Mann Ki Baat ka ban poi mynta sha ka bynta kaba 100.
