Shillong, Nailur 21: U Myntri ba dei peit ia ka Revenue bad Disaster Management u bah Kyrmen Shylla haba jubab ia ka jingkylli u bah Gabriel Wahlang u la ong ba ka sorkar kala buh T.20 lak tyngka ha ki ophis jong ki Deputy Commissioner bad nalor kata la buh ruh sa T.50 lak tyngka bad ki DC ba kin pyndon kam ha ka por ba pynjot ka mariang.
U bah Kyrmen u la ong ruh ba ka sorkar kala pynmih ia ka jingpynbna sorkar ba ki Deputy Commissioner kilah ban pyndon kam ia ka pisa ha ka por ba don ki jingpynjulor ka mariang, haba don kam kyrkieh ia ki jingiarap ha ka saw ka sian.
Haba jubab ia ki jingkylli bynrap jong kiba bun na ki MLA u myntri rangbah ka jylla u jubab ba k sorkar kala ailat ia ki Deputy Commissioner ba kin ia rap mar dor khlem da ioh ia ka jingbit na ka sorkar wat ban thied tin sop iing.
Haba ia dei bad ka jingtwa ki kynroh namar bym don ha ki kyndon kiba la buh da ka tnad kam poh iing ka sorkar pdeng, ka sorkar jylla kala shim ia bun kiwei ki lat ki lynti ban shna ia ki kynroh da kiwei pat ki shim kiba dei na ka sorkar jylla.
