Shillong, Iaiong 19: Ka Khasi Stu
dents’ Union (KSU) Central Executive Council ka la ioh ban pyntian smai ia ki nongkitkam ka KSU Mawprem Unit. Ia kane ka jingpyntian smai kaba long ha Iing Dorbar ka shnong Mawprem, la pyndep da u President ka KSU CEC u samla Lambok S. Marngar.
Ha ka jingialang ba la pyniaid da u samla Arrestone Thabah Vice President, KSU Mawprem Circle, U samla Lambok u la kyntu ia ki nongkitkam bathymmai ka Mawprem Unit ban trei borbah bat shitrhem na ka bynta ban saindur ia ka lawei baphyrnai. Une u samla u la kyntu ruh ia ki samla ba kin iaid ryngkat bad ka shnong na ka bynta ka bha ka miat jong ka shnong.
Kiwei pat ki nongkren ki kynthup ia u rangbah shnong ka Mawprem u bah RB Rynjah u ba la pynpaw ia ka jingkmen ia ka jingpynthymmai nongkitkam ka Unit bad u la kyntu ba ka thong ba ha khmat jong ka KSU Mawprem Unit kan long ban rat dyngkhong ia u droks na ka shnong Mawprem, u samla Donald V Thabah General Secretary, KSU CEC bad u samla Biangbor Paliar Organising Secretary, KSU CEC.
Ha kane ka sngi la ia don ryngkat ruh u samla Manly Nongpluh Finance Secy., KSU CEC, samla Readyon Nongrum Education Secy., KSU CEC, samla Rapbor Nongrum (Publicity Secy., KSU CEC), bah P. Marbaniang (Chairman, Lumlyer Local Committee) bad ki dkhot ka KSU Them Mawbah Unit, KSU Mawlai Circle bad KSU Laban Circle.
Ki nongkitkam ka KSU Mawprem Unit ki kynthup ia u samla B. Nongbri kum u President, samla S. Shabong kum u Vice President, samla A. Nongbet kum u General Secretary, samla P. Warjri kum u Asst. General Secretary, samla R. Dhar kum u Education Secretary, samla A. Mutyent kum u Publicity Secretary, samla R. Lyngdoh kum u Sports Secretary, samla B. Marbaniang kum u Asst. Publicity Secretary, samla B. K. Blah kum u Asst. Education Secretary, samla R. Nongbri kum u sports Secretary bad 35 ngut ki Executive Member.
