Shillong, Nohprah 29: Ka Shlem iarap ia kiba duk u Rupang ka la ioh ban sam jingiarap da ki tiar bad ki jain pynsyiad ban ioh pyndinkam ha ing ia ki 9 na ki 10 ngut iwei im lah poi ki longing kiba duk na kylleng ka ri Khasi-Jauntia.
Mynta ka sngi,29-12-2021 ha Mawkhar Christian Hr.Sec School,Shillong. Ka Deputy Cimmissioner ka East Khasi Hills District,Shillong kala wan ban sakhi ia katei ka jingsam jingiarap kaba dei ka sien kaba shiphew.
Ki 9 ngut ki longing kiba la ioh ka jingiarap mynta ki kynthup ia. Ka kong Bon Dkhar na shnong Pasyih,W.Jaintia Hills, kong Amanda Talang na shnong Pammarik,W.Jaintia Hills. Kong Alinsha Snaitang na Mawlai Nongkwar,Kong Baiarlin Khongjoh na shnong Langkawet.
Ka Kong Bantimerry Kurbah na shnong Nongthliew, Kong Persha Wankhar na shnong Mawkasiang, Kong Leki Dkhar na shnong Puriang, Kong Enarisha Thabah na Umlyngka kynton bad u bah Kyrshanbor Khongsit na Nongrim Sadew. kawei ka longing im lah poi satia ba i don ha ka jingshitom.
Kitei ki longing ki ioh ia ki tiar shet naduh u khiew,ki pliang dabor,etc bad ki jain syiap kum ki tusok,rajai syngkhlieh,etc khnang ba kin ioh pyndonkam ha ing jongki.Ia kitei ki tiar la thied mar 5000/ tyngkamarwei bad 500/ tyngka pat la ai jingiarap bai lynti ia ki.
Ka jinglut baroh 10 ngut(kynthup ia iwei i bym lah ban poi) ka longRs5500/tyngka.Ka jingioh lum pat kalong Rs77950/tyngka.Ka pisa ka tam Rs22950/ tyngka.Ia katei ka pisa kaba tam namar ba ka wan dier por palat ka Shlem jingiarap kan sa ia shong meeting ban ia pyrkhat kumno ban pyndonkam na ka bynta ka jingmyntoi ki longing kiba duk ha ri jongngi.
Ka Shlem ai jingiarap ka ai khublei kyrpang ia baroh kito kiba don mynsiem ban ia noh synniang lem wat hapdeng kat kane ka jinghiran ka kamai ka kajih ha kane ka snem mynta.
