Tura, Lber 12: Ki khlieh jong ki district jong ka Garo Hills mynta ka sngi kila ia kynduh ia ki Deputy Commissioner jong ki ar tylli ki District ka jylla Assam ka Dhubri bad ka Goalpara ban ia kren kumno ban ia trei lang ha kane ka por election MP.
U Deputy Commissioner, West Garo Hills, Tura, u Pravin Bakshi haba kren pdiang burom ia ki DC jong ka jylla Assam u la ong ba ki don 11 tylli ki jaka thep vote jong ka jylla Meghalaya ha kaba ki briew ki hap ban iaid lyngba jong ka jylla Assam.
Naka liang jong u DC ka Tura u la pynpaw ia ka jingsngewkhia ka jong u ia ka jingdon duna jong ka petrol bad sharak na ka daw jong ka jingsangehkit umphniangjong ki trok na ka daw jong ka jingsangeh ka jong ki kane kan buh haka jingeh lada kan dang iai bteng.
U Deputy Commissioner jong ka North Garo Hills Deputy Commissioner,u Bah W Khyllep, u la ong ba kane ka District kaba thymmai ka don ka jingiadei ha u pud u sam bad ka Goalpara bad ki don ki polling station ia kiba la buh ba ki don hapdeng ka jingma kaba khraw ban peit ba ka election ka dei ban iaid beit don kam ia ka jingia treilangbad ki DC jong ka jylla Assam.
Ha ka jingkren jong u ADC, Goalpara, u A N Hazarika, u la ai ka jingkular ba kin ai ka jingiatreilang ha kane ka por election ban peit ba ka election ha kane ka jylla Meghalaya kan long kaba iaid bad kin peit ba kin buh kyrpang ia ka umphniang ba kan nym don jingthud ha ka por election.
Ha kane ka jingialang la ia don lang ruh ki BDO bad ki heh pulit jong ka West Garo Hills District.(SP News)
