Shillong, Lber 08: U Myntri Rangbah ka jylla u Dr Conrad K Sangma haba jubab ia ka jingkylli kaba la wan rah da u bah Himalaya M Shangpliang bad u bah George B Lyngdoh ha kaba ia dei bad ki karkhana thang dewiong ha ka jylla, la pyntip hapoh ka iing dorbar baroh ki don 21 tylli ha ka jylla baroh kawei.
U myntri rangbah la ong ban a kitei ki 21 tylli saw tylli ki dei kiba biang ki kot ki sla bad 17 tylli ki dei kiba khlem pat biang ki kot ki sla, la iathuh ba na ki 17 tylli 10 tylli ki dei kiba la ioh ia ka jingmynjur na ka SWA bad 7 tylli kim pat ioh kano kano ka jingbit.
Namar ba kim pat lah ban pynbiang ia ki kot ki sla kumta la niew ba baroh 17 tylli ki long ki karkhana thang dewiong kiba beain, ka sorkar kala phah jingthoh sha ki ha ka 15/8/2020 ban khang bad na ka liang jong u DC u la ai ruh ia ka kaiphit ba la khang ia ki ba pyniaid beain.
Haba jubab ia ki jingkylli bynrap u myntri rangbah ka jylla u Cornad K Sangma u la ong ba ia kine ki karkhana beain la mudui hapoh ka iing bishar jong u District Court bad ha dien bala ioh ia ka rai na ka iing bishar kan sa leh ia kaba don kam katkum ka ain.
