Ki don palat 7000 ngut ki nongialehkai ha ka National Games na 36 ka jylla Gujarat

New Delhi, Nailur 30: U Myntri Rangbah Duh ka ri, Narendra Modi u la plié ia ka bynta kaba 36 jong ka  National Games ha Narendra Modi Stadium, Ahmedabad mynta ka sngi.

Ha kane ka prokram, u Myntri Rangbah Duh u la pliepaidbah ruh ia ka “Swarnim Gujarat Sports University” ha Desar kaba long katkum ka juk mynta. U Myntri Rangbah Duh u la ai jingkren ruh ia ki nongialehkai na kylleng ka ri kiba iashim bynta ha kane ka National Games.

Ha ka jingai jingkren jong u, u Myntri Rangbah Duh u la ong ba ka jingsngew ha kane ka jingplie ia ka National Games ka dei ka bym lah ban batai. U la ong ba ka jingshongshit jong kane ka lympung kaba heh haduh katne katne ka dei ka bym lah ban batai.

Palat 7000 ngut ki nongialehkai, palat 15000 ki nongiashim bynta, palat 35000 tylli ki kolej, ki skul bah bad ki skul bd ka jingiasoh jong palat 50 lak ngut ki shahhikai bad ka National Games ka dei kaba kyrpang bad ka bym pat jujiamynshuwa, u la ong.

“Ha ka madanialehkai kaba heh tam ha ka pyrthei, ka ri kaba dang shen, ha ka lympungialehkai kaba heh tam ha ka ri! Haba ka lympung ka long kaba itynnad bad kaba kyrpang kumne, ka mynsiem ruh ka dei ban long kaba kyrpang,” u la ong.

U la kren ia ki ktien kyrpang jong ka National Games Anthem ‘Judega India – Jeetega India’ ia kaba la pynbud da baroh kiba don ha kane ka madanialehkai. U la ong ba ka jingskhem jingmut kaba iohi ha man ka durkhmat ka dei kaba wan shuwaia ka lawei kaba phyrnai jong ki kam ialehkai jong ka India. U la iaroh ruh ia ka jinglah jong ki briew ka Gujarat ban pynlong ia ka lympung kaba heh kat kane ha ka por kaba khim.

Da kaba kynmawia ka jingpyni da ki drone ba la long ha Ahmedabad hynnin, u Myntri Rangbah Duh u la ong ba baroh ki la lyngngoh ban iohi ia kane. “Ka jingpyndonkamia ka teknoloji, kum ki drone kan ialam ia ka Gujarat bad ka India sha ki kliar kiba thymma,” u la bynrap.

Ha kaba kren shaphang u mascot jong ka National Games 2022 uba la ai kyrteng Savaj u sing, u Myntri Rangbah Duh u la ong ba une u pyni ia ka mynsiem jong ki samla ka ri, ka jingieid ia ka jingrung khlem jingtieng ha ka lympungialehkai. Une u dei ruh u dak jong ka India kaba dang kiew ha ka pyrthei, u la ong.

Ha ka jingkren shaphang ka jinglong kyrpang jong kane ka madanialehkai, u Myntri Rangbah Duh u la ong ba haba kiwei kiwei ki jaka ki dei na ka bynta katto katne ki jaitjingialehkai, ka Sardar Patel Sports Complex ka dei ka jaka ba lah ban pynlong ia ki jingialehkai kum ka Football, Hockey, Basketball, Kabaddi, Boxing bad Lawn Tennis.

“Ha kawei ka rukom, ka dei ka nuksana ka bynta baroh kawei ka ri.  Haba ki jingdon jingem ki long kiba bha kumne, ka mynsiem jong ki nongialehkai ka long kaba skhem,” u la ong.

U la kyntu ia ki nongialehkai kiba iashim bynta ha ka National Games ba kin don ha ka jingsngewbha ha ka jingpynlong ia ka Navratri ha kane ka jylla, u Myntri Rangbah Duh u la ong ba ki tamasakim dei tang ka jingmane ia ka MaaDurga namar ka don ruh ka jingrakhe ia ka Garba. “Ka don la ka jong ka jinglong”, la ong u Modi.

U Myntri Rangbah Duh u la ban biang halor ka jingdonkam ia ka jingialehkai. “Ka jingjop jong ki nongialehkai ha ka madanialehkai, ka rukom lehkaibha jong ki ka plié lad ia ka jingjop jong ka ri ha kiwei kiwei ki kam. Ka bor ha ki kam ialehkai ka kyntiew shibun shah iaia ka burom jong ka ri,” u la ong da kaba bynrap.

“Nga ju ong ia ki paralok jong nga kiba don ha ki kam ialehkai – ka jingjop ka sdang na ka kam! Kata ka long, haba phi sdang ia ka kam, ka jingjop ruh ka sdang. Lada phim pat sangeh ban khih, ka jingjop ruh ka beh ia phi.”

U Myntri Rangbah Duh u la kren ruh shaphang ki jingjop ha ki kam ialehkai ha kab u la ong ba 8 snem mynshuwa, ki nongialehkai na India ki ju iashim bynta ha tang kumba 100 tylli ki lympungialehkai shabar ri. Mynta, ki iashim bynta ha kumnokumno 300 tylli ki lympung.

“8 snem mynshuwa, ki nongialehkai ka India ki juleitialehkai ha 20-25 jait ki jingialehkai. Mynta ki nongialehkai ka ri ki leit iashim bynta ha kumba 40 jait ki jingialehkai. Ki khusnam ba ki jop ruh ka dang kiew mynta,” u la ong.

Wat ha ki por jong ka jingeh namar ka khlam Corona, u Myntri Rangbah duh u la ong ba ym shym la shah ba ka jingngeit kaba skhem jong ki nongialehkai kan tlot noh. “Ngi trei na ka bynta ki kam ialehkai da ka mynsiem jong ka jingialehkai.

La pynkhreh ha ka rukom treikam kaba don ka thong da ki snem lyngba ki skhim kum ka TOPS. Mynta, na ka jingjop jong ki nongialehkai ba pawkhmat sha ka lawei jong ka jingwanrah ia ki nongialehkai ba thymmai, ka TOPS ka don ka bynta kaba khraw.”

U la kynmaw ba ka India ka la leh bha ha ka Olympics mynta u snem ha Tokyo. Kumjuh ruh, ka jingjop ia ka lympungialehkaiThomas Cup da ka kynhun ialehkaibadminton ka la wanrah ka jingkmen kaba thymmai. U la iaroh ruh ia ka jingjop jong ki para-athlete ha ki lympungialehkai bapher bapher shabar ri.

U Myntri Rangbah duh u la ong ba kane ka jingjop ka urlongmynshuwahynrei ki kam ialehkai ha India kim da kiew namar ka jingbamsap bad ka jingshah shiliang. “Ngi la pynkhuidia kata bad wanrah ka jingsngewskhem ha ki samla na ka bynta ki jingangnud jong ki,” u la ong.

Haba kren shaphang ka India kaba thymmai ka bym ngeit tang ha ka jingthaw polisi, hynrei kaba iaidshaphrang ryngkat bad ki samla jong ka ri, u Myntri Rangbah duh u la kren shaphang ki sienjam kum kaFit India bad kaKhelo India kaba la long ka jingiakhihpaidbah.

U Myntri Rangbah duh u la ong ba ka mang tyngka jong ka ri ha ki kam ialehkai ka la kiew da 70 percent ha ki 8 snem ba la leit. Kane ka ialam sha ka jinglah ban pynbiang shuh shuh ki jingdonkam sha ki nongialehkai  kaba la iarap ban plie shuh shuh ki lad ki kabu ia ki nongialehkai.

U Myntri Rangbah duh u la ong ba la plieia ki sports university ha ka ri, bad la pynbiang ia ki jingdon jingem ha ki kam ialehkai ba iadei katkum ka juk mynta ha man ki kyndongkynshrot jong ka ri. U Modi u la bynrap shuh shuh ba la shim ia ki sienjam ban pynsuk ia ka jingim jong ki nongialehkai kiba la shongthait.

Haba kren shaphang ka histori jong ka India ha kaba iadei bad ka kolshor, u Myntri Rangbah duh u la ong ba ki kam ialehkai ki la long ka bynta jong ka pateng jong ka ri bad ka jingiaid lynti kaba naduh ki hajar snem.

“Ha ka Azadi Ka AmritKaal, ka ri ka la pynthymmai ia kane ka dustur tynrai da ka jingsarong ia la ka pateng jong ka.” U Myntri Rangbah duh u la bynrap shuh shuh ba ki sienjam bad ka mynsiemshitrhem jong ka ri kam kut tang ha kawei ka jinglehkai, hynrei ki jingialehkai jong ka ri kum ka ‘Kalaripayattu’ bad Yogasanki la ioh ka jingphaikhmat kaba kyrpang.

“Nga sngewkmen ba la kynthup lang ia kine ki jinglehkai ha ki lympungialehkai ba heh kum ka National Games”, u la ong. Sha ki nongialehkai kiba mihkhmat ia kine ki jinglehkaihangne, u Myntri Rangbah duh u ong, “Nga kwah ban ong kawei khamtam ia phi ha kawei ka liang, phi rah shakhmat ia ki ritidustur ba la don naduh ki hajar snem mynshuwa, katba ha kajuh ka por ka ai ia ka jingialam lynti ia ka lawei jong ki kam ialehkai ha kylleng ka pyrthei.”

Ha ka jingai jingkrenpynkut, u Myntri Rangbah duh u la iakrehmarkhmat bad ki nongialehkai bad iasamia ka mantra bad ki. U la ong, “Lada phi kwah ban jop ia ka jingiakhun, kumta phi hap ban don ka jingkut jingmut bad ka jingskhem.”

Haba kren shaphang ka mynsiemialehkai, u Myntri Rangbah duh u la kren shaphang ka jingshah rem bad ka jingjop ha ki jingialehkai ba kim dei ban shim ba kilong ki rai ba khatduh. U Modi u la bynrap shuh shuh ba ki jingangnud jong ka ri kaba dang lung kum ka India yn lah ban kot lada ka mynsiemialehkai kalong shi bynta ka jingim jong phi.

“Phi hap ban kynmaw, haba ka don ka jingpyrshang, ka don ka jingiaid shaphrang,” la bynrap u Modi. “Phi hap ban pynneh ia kane ka mynsiem shabar ka madanialehkai ruh kumjuh. Kane kadei ban long ka thong ha ka jingim jong phi. Nga thikna, ka jingjop jong phi ha ka National Games kanplie lad ia ka ri ban lehkmen, bad kan wanrah ka jingsngewskhem ba thymmai ha ki por ban wan,” la pynkut u Myntri Rangbah duh.

U Myntri Rangbah jong ka Gujarat, uBhupendra Patel, u Lat ka jylla Gujarat, uAcharyaDevvrat, U Myntri ka tnat ki kam ialehkai jong ka sorkarpdeng, u Anurag Singh Thakur, u dkhot ka Parliament, u C R Patil, U Myntri kam pohiing jong ka Gujarat, u Harsh Sanghavibad u Mayor jong ka Ahmedabad, uKiritParmarki la iadonlang ha kane ka jingialang.

La pynlong ia ka National Games ha ka jylla jong ka Gujarat ha ka sien ba nyngkong eh. La pynlong ia ka naduh ka 29 tarik Nailur haduh 12 tarik Risaw, 2022. Jan 15,000 ngut ki nongialehkai, ki coach, bad ki dkhot na ki kam ialehkai na kylleng ka ri kin iashim bynta ha 36 tylli ki jaitjingialehkai, bad pynlong ia kane ka lympungialehkai kaba heh tam ha ka ri.

Ia ki jingialehkai yn pynlong ha ki hynriew tylli ki nongbah jong ka Ahmedabad, Gandhinagar, Surat, Vadodara, Rajkot bad Bhavnagar. Hapoh ka jingialam jong u Myntri Rangbah barimuba dei u Myntri Rangbah duh jong ka ri mynta, u Narendra Modi, ka Gujarat ka sdang ia ka jingiaid lynti ban pynkhlain ia ki jingdon jingem ha ki kam ialehkai kiba iakot kyrdan bad kiwei kiwei ki ri, ka ban iarap ia ka jylla ban pynkhreh na ka bynta ki jingialehkai ha ka por kaba lyngkot.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet