Shillong, Nailur 27: U Dr. Ramani Kanta Thakuria saiantis ka tnad rep ka jylla Assam ba kren ha ka jingrakhe ia ka ‘International Year of Milet’ iak aba la pynlong da ka tnad rep jong ka sorkar jylla ha All Saint Hall, ryngkat ka jingpyninam ia ki jaid krai kiba la pynmih na kane ka jylla.
Haba kren ha ka jingiarakhe ia kane ka sngi ba kyrpang kum u riew shem phang u la ong ba ka Ri India kala rakhe ia u snem 2018 kum u snem jong u Krai, bad mynta u snem 2023 kala rakhe ia ka ‘International Year of Milet’ 2023, u la ong ba ka jingrep ia u krai ha ka thain shatei lam mih ngi kam dei kaba thymmai hynrei ka dei kaba la rep da ki briew kane ka thian naduh kip or hyndai.
Ia u krai la rep tang ha ki ar tylli ki dewbah jong ka pyrthei ha Africa bad Asia bad kiba thung ia u krai ki long tang ha ki 10 tylli ki rai jong ka pyrthei bad ka Ri India ka dei kawei na kita ki ri bad ka dei kaba ar ha ka pyrthei ha kaba shallan sha bar jong ka ri namar ka shallan haduh 41% u krai.
La pynkynaw ba ka jignrep ia u krai ka khlain bha ha kane ka Ri India, hynrei dei ha u snem 1965 ba ka ri India ka ialeh ban pyndap ia ka bam, kane jingrep krai kala hiar bad haba la biang ka jingpyndap ia ka bam, kaba kongsan mynta ka jingialeh ha ka Ri India ka long ban pynioh ia ki jingbam kiba tei met.
Haba phai sha kane ka jylla Meghlaya ki don saw jait ki krai kiba la thung da ki briew kane ka jylla, ha ka ktien nongwei la tip kum u Finger Milet ia kaba la khot u krai saw, u Foxtail Milet ne u krai truh, Pearl Miliet, u krai lieh, bad u Job Tears ia kiba la khot u krai iong.
U Dr. Ramani Kanta Thakuria u la ong ba kine ki jait krai kiba la pynmih ki dei ki jingbam kiba tei met bha ia ki briew, kiba lah ban iada ruh ka jingkinngkhlieh bad jingsangeh kyndit u klongsnam bad bun kiwei kiwei ki jingmyntoi da kaba pyndon kam ia ka bam kiba shet na ki krai.
Ha kane ka sngi kiba la wan ban ia shim bynta ki long u nongrep na kylleng ki bynta jong ka jylla, ka jaka pule jong ka NEHU Tura, ka IIM Shillong, ki ophisar ka tnad rep, ha kane ka sngi la pyninam ruh ia ki krai bad ia ki jingbam kiba la shna na ki krai.
