Shillong, Rymphang 26: U myntri ba de peit ia ka tnad Home Guard u bah Comingone Ymbon haba jubab ia ka jingkylli jong u bah Ardent Miller Basaiawmoit, la jubab ba ka ka dei ka kynhun treimon sngewbha bad ka jingai kam ia ki kam long tang haba don kam kumta kim lah ban kam ban ithuh kum ki nongtrei ba pura.
Ki Home Guard wat la kila trei slem kim don ia ka hok ban shah thungkam pura ne ban ithuh noh ia ka jingtrei jong ki kum ki nongtrei ba pura, ka tnad Civil Defence bad Home Guard ka dei tang ka nongpynbiang briew naka bynta ki kynhun bapher bapher kiba don kam ia ka jingtreikam jong ki.
Ka jingsiew ia ki Home Guard la siew da kito kiba shim ban pyntrei iaki na ka liang jong ka tnad kamd on bynta ei ei namar ka jingsiew ia ka tulop bad kiwei kiwei ki jingioh baroh la siew da kito ki kynhun kiba shim ia ki ban pyntrei.
Haba ia dei bad ka jingpynslem ban siew ia ka bai trei jong ki ka long ba kam don ka jingmang pisa ha ka mangtynkga hynrei ka sorkar ka shim ban siew ia kid a kaba pan pan pisa ha ki rukombaoher bapher kaba ka sorkar ka don.
Haba ia dei bad ka jingsiew think bha bad haba ia dei bad ka jingeh ia kiba trei ha MeECL bad NEIGRIHMS na ka liang jong ka sorkar kan sa thoh sha kito ban peit ia kane ka jingeh, na ka liang jong u myntri u la kdew ruh ia ki rai jong ki iing bishar ban pynthikna ba ki Home Guard kim lah ban kam ban ioh ia ka jingithuh kum ki nongtrei ba pule.
