Shillong, Nailar 7: Mynta ka sngi u synbut myntri rangbah ka jylla u bah Prestone Tynsong u la khot ia ka jingialang ban ia kren halor ka bai sumar ia kiba ioh ia ka jingpang COVID-19 kiba leit ban shah sumar ha ki hospital jong ki mission bad jong ki riew shimet.
Haba kren ha ki lat pathai khubor ha dien ka jingialang u symbut myntri rangbah ka jylla u bah Tynsong u la iathuh ba ka sorkar kala shim ia ka rai ban buh da ka dor ban sumar ia kiba ioh ia kane ka jingpang COVID-19.
Ka sorkar kala buh ka long ha ki san kyrdan, kiba thiah general ward khlem don kam Oxygen ka dor ha ka shingi kan long T.7000/- tyngka, Kito ki generak ward kiba don kam Oxygen ka dor kan long T.11500/- tyngka.
Kiba don kam ICU laitnoh ka ventilator ka dor kan long T. 14000/- tyngka, ka ICC hynrei ki bym don kam ia ka Basic ventilator ka dor ka long T.18000/- tyngka, bad kito kiba don kam ia ka ICU bad ventilator ka dor kan long T.20,000/- tyngka.
U symbut myntri rangbah ba peit ia ka tnad ka koit ka khiah la ong ba kane kan trei kam naduh ka 15 tarik mynta u bnai, ka sorkar kan sa pynmih ia ka jingpynbna sorkar ha kine ki sngi ba ki hospital mission bad jong ki riew shimet kim dei ban shim palat ia katei ka dor kaba la buh da ka sorkar ha kaba sumar ia kiba pang COVID-19.
U Symbut Myntri Rangbah u la kren shai kdar ba katei ka dor kaba la buh kan long na ka bynta shisngi bad na ka bynta kito kiba don ia ka MHIS Kard ki hospital kin hap ban shim na ka MHIS kard. Ka sorkar kala shim ia kane ka rai ka long ban iarap ia ki paidbah ha kaba ia dei bad ka jingsumar ia ka jingpang COVID-19.
Ha kane ka jingialang ka sorkar kala shim ia ka rai ba kin iarap ia ki Hospital Mission bad ki Hospital jong ki riew shimet ha kaba ia dei bad ki ICU bad kumjuh ia ka Oxygen namar ka jingsumar ia kane ka jingpang COVID-19. La ong ba u wei u nongpang lyngba ka MHIS Kard la pynmang T.2.8 lak tnykga, da kane ka rai jong ka sorkar ka long ba ia kiba pang COVID-19 la ai jingsumar ei ka sorkar.
