Shillong, Kyllalyngkot 29: U Myntri Rangbah ka jylla u Conrad K Sangma mynta ka sngi u la leit ban ia shim bynta ha ka jingialang bah ba khatlai jong ka “All India Hajong Welfare Association” bad ka “Meghalaya Hajong Welfare Association” ia kaba la pynlong ha Tangabari jong ka South West Garo Hills District.
Haba kren ha kane ka jingialang u myntri rangbah ka jylla u Conrad K Sangma la ong ba ka thymmei ka kren bad bara bor dei ban pynroi pynsan ia ka ban ki pateng ban wan ki dang iai bteng ia kaei kaba la ioh pateng, la ong ba ka jylla Meghalaya la tip kum ka jylla kaba don shibun ki jaidbynriew.
Halor kane ka don ka jingsngew sarong ban pynneh pynsah ia la ka jong ka riti dustur, kum ka jaidbynriew Hajong kala shong la sah ha ki lum Garo da ki bunbun pateng bynriew bad la ia long kum shipara bad la ia imlang sah lang ha ka jingsuk jingsain la bun phew pateng.
U myntri rangbah la ong ba u dap da ka jingsngew kmen ban ia don bynta lang ha kum kane ka sngi haba u la dang ioh shuh shuh ia ka jingtip ha kaba ia dei bad ka riti dustur jong ki lyngba kane ka jingialang.
