Shillong, Jylliew 07: U bah Reniktone L Tongkhar MLA jong ka Mawkyrwat la jop na ka tiket jong ka party HSPDP hynrei ka paw ba ha ka elekshon ka ban long ha u snem 2023 un leit ban ia khun noh na ka party UDP bad ia kane ka jingpynkhreh u tei ki MLA ba dei ruh myntri ha ka sorkar ka party kam sngew phylla shuh.
Haba ia dei bad u bah Samlin Malngniang MLA na Sohiong, u ne ruh la jop ia ka elekshon MLA na ka party HSPDP, u la long ruh myntri ha kane ka sorkar MDA hynrei la hap ban hiar shuki namar kala don ka jingiakut ban ia bat ia ka kam mar arsnem shiteng hadpeng kine ki ar ngut ki MLA ka HSPDP.
Ki lat khubor kiba ia jan bad ka NPP ki iathuh ba mynta kala don ka jigniakren ba u MLA jong ka Sohiong un pyniasoh bad ka party shuwa ka elekshon 2023 ban ia khun noh na ka party NPP yn shuh na ka HSPDP kaba kila jop ha u snem 2018.
Lah ban pynkynmaw u bah Pangniang dang shen u la ong ba ka party kan nym khot hajir ia kitei ki MLA ar ngut ia kaei kaba ki leh hynrei ai ki paidbah kin ai ia ka jubab ha u 2023 ba ka jylla kan sa leit sha elektion ban jied ia u nongmih khat kiba thymmai sha ka iing dorbar thawain ka jylla.
