Ki Jylla NE kin ioh T.3048.73 klur na ka DoNER ha kane ka snem mang tyngka 2020-2021

New Delhi, Rymphang 01: Ka myntri pla pisa jong ka Ri India ka Nirmala Sitharaman mynta ka sngi kala wanrah ia ka mang tyngka na ka bynta ka snem 2020-2021 hapoh jong ka Ri India baroh kawei, haba phai kyrpang sha ka Ministry of Development of North Eastern Region ia kaba la tip kum ka DoNER ha kane ka snem mang tyngka ka long T.3048.73 klur.

Haba ia nujor bad ka jingmang tyngka ia kane ka tnad jong ka sorkar pdeng bad u snem bala dep ka jingmang tyngka kala kiew da T.378.73 klur. Na kane ka DoNER ha u snem 2019-2020 ka jingmang pisa ka long T.26.70 klur.

Ki skhim kiba dei ban wan lyngba ka North Eastern Council sha ki jylla ka dong shatei lamih ngi kyntup ia ka Sikkim ka long T.869.90 klur, ka bhah ba dei ban ioh na ka “Central pool of Resources for North East and Sikkim” ia kaba la tip kum ka NLCPR ka long T. 1225.75 klur ha une u snem mang tyngka 2020-2021 katba ha u snem  2019-2020 ka long tang T. 1135.34 klur.

Na ka ‘North East Road Project  special development” na kane ka  skhim ka jingmang  pisa ka long T.801  klur  ha kane ka snem mang tyngka 2020-2021 bad ha u snem 2019-2020 ka jingmang pisa ka long tang T.667.79 klur.

Ha kane ka mang tyngka na ka “Special development Packages” la mang pisa T. 101 klur ha kane ka mang tyngka mynta u snem 2020-2021 bad ha u snem 2019-2020 ka long tang T.70.11  klur bad ka jingmang ia kiwei kiwei de ki kam pynroi na ka bynta ki jylla ka thain shatei lam mih ngi jong ka Ri India.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet