PM hosts a delegation of Women Students from Nagaland, at his residence in Lok Kalyan Marg, in New Delhi on June 09, 2022.
New Delhi, Jylliew 10: U Myntri Rangbah Duh u la pdiang ia ka kynhun jong ki khynnah pule na Nagaland ha ka iing sah jong u ha LokKalyanMarg mynta ka sngi. Kane ka kynhun jong ki khynnah kynthei ka la leit sha Delhi kum shi bynta ka prokram Ek Bharat Shreshtha Bharat.
Ki khynnah pule ki la ong ba ki dap da ka jingkmen ban iakynduhia u Myntri Rangbah Duh. Ka jingiakren jong ki bad u Myntri Rangbah Duh ka la long halor ki mat bapher bapher kum ka jingthmu jong u na ka bynta ka thain shateilammihngi, ki jingshem jong u ha Nagaland, ka jingdonkam jong ka Yoga bad kiwei kiwei ki mat.
Ha kane ka jingiakren, u Myntri Rangbah Duh u la kylliia kine ki khynnah shaphang ki jingshem jong ki haba ki leit sha ki jaka jngohkai bapher bapher ha Delhi. U la ai jingmut ruh ia ki ba kin leit sha ka PM Sangrahalaya bad ka National War Memorial katba ki dang don ha Delhi.
Ia kane ka jingiakynduh hapdeng kane ka kynhun bad u Myntri Rangbah Duh la pynlong da ka National Commission for Women.
