Shillong, Iaiong 11: Ki pulit jong ka Umsning haba kila leit sha iing sah jong ka Macdalyne S Mawlong ha Lad Sharai kila ioh ban tam ia ki ar tylli ki maw kiba la kawang ia katei ka MDC bad u wei u khulom.
U Superintendent ki pulit jong ka Ri Bhoi la iathuh ba kane ka jingkawang maw ia katei ka MDC kala jia ha ka por ba dang kren phone ha phyllaw iing jong ka, hynrei dang da ki blei khlem dei ia ka la dei ia ki iit bad kila ka paid.
Haba ia dei bad kane ka jingjia la phah ia u ophisar jong ka Umiam Police Station ban leit ban jurip ia kane ka jingjia bad la pyntip ruh sha ka kynhun SST haba ia dei bad kane ka jingjia.
Haba la kylli hato ithuh ne em ia kiba kawang maw na ka liang ong ka MDC kala ong ba kam ithuh bad ia kane ka jingia la register ejahar hapoh ka kyndon 107 CrPC ban tohkit bad ban lap ia ki nongleh kam sniew.
