Shillong, Lber 18: U Myntri ba dei peit ia ka tnad pule puthi ka jylla u bah Lahkmen Rymbui haba jubab ia ka jinglyli jong u bah George B Lyngdoh, la ong ba ki nonghikai kontrak kiba la thung haduh u bnai Nohprah 2020 ki don 1291 ngut kiba dei ha ki LP Skul bad 72 ngut ha ki UP Skul.
U Myntri u la jubab ruh ba ki nonghikai kontrak kiba la shah weng ha u Rymphang 2021, kiba na ki LP skul ki long 1118 ngut bad na ki UP skul 72 ngut, u myntri la ong ba dei ha West Garo Hills ba ki nonghikai ki don 264 ngut ha ki LP skul hynrei kiba la shah weng ki long 91 ngut.
U Myntri u la jubab ruh ba kiba la pass ia ka MTET eksam kiba dei ha ka LP skul ki long 2900 ngut bad ki pass ha ki UP skul ki long 1670 ngut, na kitei kiba la shah thung kam haduh mynta ki long 240 ngut ha ki LP skulk bad 16 ngut ha ki UP skul baroh kine kiba la shah thung kam ki dei ha ki skul sorkar.
Haba jubab ia ki jingkylli bynrap la iathuh ba ki kam balait ha ki LP skul ki long 1538 tylli bad ha ka UP skul ki long 132 tylli, u myntri u la ong ba ka jingdon kam ia ki nonghikai ba la pass ia ka MTET kam dei tang ha ki skul sorkar hyrnei wat ki skul jong ki riew shimet ruh ki don ban ban thung ia kiba la pass MTET lada ki kwah ban ioh jingiarap na ka sorkar.
Haba ia dei bad ka por ban shah ia kiba pass MTET, na ka liang jong u myntri u la iathuh hapoh ka iing dorbar ba kan long na ka bynta 7 snem lynter bad ka dang ka jingpyrkhat ba kane ka jingpass ia ka MTET ba kan neh hynrei namar ba ym pat pynmih ia ka jingpynbna sorkar ym pat nud ban ong.
