Ki nonghikai SSA ha Meghalaya ki khlem ioh tulop ban sa kot sha ka 6 bnai lynter: AMSSASTA

Shillong, Jylliew 28: Ka kynhun ki nonghikai SSA hapoh ka lama jong ka All Meghalaya SSA School Teachers Association (AMSSASTA) kan thoh sha ka sorkar namar ba ki khlem ioh tulop mynta la hynriew bnai, la ong u bah Last Marngar President ka seng.

U bah Marngar la ong ba kum ka seng ki nonghikai kam kwah ban mih sha surok ban shu ia mih paidbah, hynrei ka kyntu ia ka sorkar ba ka dei ban shim khia ba ki nonghikai ki dei ban ioh ka tulop kaba dei na u bnai Kyllalynglot  haduh mynta u bnai Jylliew 2022 kaba mut hynriew bnai.

Kane ka jingbymioh tulop mynta hynriew bnai kala ktah ia ki lng iing longsem haduh ba kala poi ka pud ba tang ban siew ia ka bai skul ki khun ruh kila shem jingeh haduh katta katta wat ba kin pynbiang ia ka bam ha iing ka sem ka seng AMSSASTA kam kwah ban ia mih madan hynrei ka kyrpad ia ka sorkar ban sngap lem ia ka jingpynsngew jong ki nonghikai.

Ka AMSSASTA kala ia kren bad ki ophis jong ka tnad pule puthi kiba peit kyrpang ia ka kam jong ki nonghikai SSA hynrei ka jubab ka long ba haduh myta ka sorkar kam shym la pynlait pisa ban siew ia ka tulop jong ki nonghikai ba dei na ka SSA mynta u bnai Jylliew ruh la kut kumta ka jingbym pat ioh tulop jong ki ka long 6 bnai.

Ka AMSSASTA ka don ha pdeng ka jingar tatien la ka sorkar jylla kala thep ne em ia ka bhah jong ka jylla namar ia ka tulop jong ki nonghikai SSA dei kaba ia bei lang ha pdeng ka sorkar pdeng bad ka sorkar jylla ha ka jingkhein ha ka ratio kaba 90:10 la ong u President  bah Last Marngar.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet